اكتر 3 انواع حشرات بيصيبو الكلاب في مصر هم (القراد, الجرب, البراغيث)
القراد (Ticks)
القراد طفيليات تتغذى على دم الكلاب، وقد تكون خطيرة لأنها تنقل أمراضًا مثل:
- Lyme Disease (مرض اللايم).
- Babesiosis (داء البابسيات).
- Ehrlichiosis (داء الإريليخيات).
العث (Mites)
العث مسبب رئيسي للجرب عند الكلاب.
كائنات صغيرة جدًا، شبه الحشرات، لكنها أصغر بكتير (ممكن ماتتشافش بالعين المجردة). العث بيتغذى على جلد الحيوانات أو دمها، وممكن يسبب مشاكل جلدية خطيرة.
- أشهر أنواع العث:
عث الجرب الساركوبتي (Sarcoptic mange mites):
ده بيعمل جرب شديد، وبيخلي الكلب يحك جسمه بجنون. بيبقى معدي جدًا للكلاب التانية، وأحيانًا للبني آدمين كمان.عث الديموديكس (Demodectic mange mites):
ده بيعيش طبيعي في جلد الكلاب، بس لما مناعة الكلب تضعف، العث بيتكاثر جامد وبيسبب تساقط شعر والتهابات جلدية.عث الأذن (Ear mites):
بيعيش جوه ودان الكلب، وبيخليها تلتهب وتطلع ريحة وحشة، والكلب يفضل يهز دماغه أو يحك ودنه.
الجرب (العث) والقراد هم أكثر نوعين بيصيبوا الكلاب في مصر ولكن هناك انواع اخرى مثل
البراغيث (Fleas)
يمكن أن تسبب حساسية وحكة شديدة. و قد تنقل أمراضًا مثل داء الديدان الشريطية.
القمل (Lice)
يسبب حكة شديدة وتهيجًا في الجلد
النمل (Ants)
يسبب ألمًا أو حساسية، خاصةً النمل الأحمر المعروف بـ Fire Ants
الناموس (Mosquitoes)
تسبب حكة وتهيجًا في الجلد
الوقاية من حشرات الكلاب
زي ما بنقول دايمًا: الوقاية خير من العلاج، وخصوصًا لما الموضوع يكون متعلق بالحشرات.
الحشرات بتنتشر بشكل كبير حوالينا، زي على الجدران وبين النباتات، وده بيخلي الوقاية ضرورية عشان تحمي الكلاب وتحافظ على صحتها.
الديزانون من المنتجات الفعّالة للوقاية من الحشرات في البيوت والحدائق، لو عندك كلاب أو حيوانات أليفة.
الاستخدام:
يتم تخفيف المبيد بالماء : إضافة 3 سم من المنتج إلى 1 لتر ماء
باستخدم بخاخ يدوي أو ماكينة رش : يُركز الرش على الزوايا، الجدران، الأرضيات، وحول النباتات.
للوقاية الفعّالة، يمكن إعادة الرش كل 3 أشهر أو حسب الحاجة إذا ظهرت أي علامات لوجود الحشرات.
علاج حشرات الكلاب
بعد ما تتأكد إن مفيش حشرات في المكان أو بعد ما ترش المنطقة بشكل دوري بالمبيد المناسب للحشرات سواء في البيت أو في الحديقة، تقدر تبدأ في استخدام المنتجات المخصصة لعلاج الحشرات اللي بتصيب الكلاب.
برافيكتو (Bravecto)
- الشكل: أقراص مضادة للحشرات.
- الاستخدام:
- بتتاكل مرة كل 3 شهور.
- القضاء على القراد و حشرات الكلاب .
- ممتازة لو عايز وقاية طويلة المدى.
- مميزات:
- مفعوله سريع وقوي.
- مناسب للكلاب اللي بتتعرض للحشرات بشكل كبير.
- ملحوظة: مينفعش للكلاب الصغيرة جدًا أو اللي عندها مشاكل صحية بدون استشارة الطبيب.
سيمباريكا (Simparica)
- الشكل: أقراص مضادة للحشرات.
- الاستخدام:
- تُؤخذ مرة كل شهرين. (30~60 يوم)
- القضاء على القراد و حشرات الكلاب .
- مميزات:
- وقاية قصيرة المدى لكن فعالة.
- بتقضى على الديدان, يعني لو استخدمتها مش محتاج تستخدم حاجه للديدان معاها.
- ممتازة لو عايز حاجة كل شهرين.
- الفرق عن برافيكتو: سيمباريكا مدتها شهرين بس، بينما برافيكتو مدته 3 شهور.
نكسجارد (Nexgard)
- الشكل: أقراص مضادة للحشرات.
- الاستخدام:
- تُؤخذ مرة كل شهر. (30~45 يوم)
- القضاء على القراد و حشرات الكلاب .
- مميزات:
- وقاية قصيرة المدى لكن فعالة.
- الفرق عن برافيكتو: نكسجارد مدتها شهر بس، بينما برافيكتو مدته 3 شهور.
فرونتلاين (Frontline)
- الشكل: نقط موضعية (Spot-on).
- الاستخدام:
- تُوضع على ظهر الكلب (على الجلد مباشرة).
- القضاء على القراد و حشرات الكلاب
- بتدي وقاية لمدة شهر ~ 45 يوم.
- مميزات:
- سهلة الاستخدام ومناسبة للكلاب اللي مش بتاكل الأقراص.
- اقتصادية مقارنة بالأقراص.
- ملحوظة: خلي بالك ما تخليش الكلب يلحس المكان اللي حطيت فيه النقط.
بودرة
- الشكل: بودرة.
- الاستخدام:
- تُرش على جسم الكلب مباشرة.
- بتقضي على البراغيث، القراد، وبعض الحشرات الأخرى.
- مميزات:
- علاج سريع لو الكلب مصاب بالفعل.
- اقتصادية جدًا وسهلة التوزيع.
- العيوب:
- مش وقائي زي النقط أو الأقراص.
- ممكن تسبب حساسية لبعض الكلاب، فخليك حذر عند الاستخدام.
سبراي رش
- الشكل: بخاخه.
- الاستخدام:
- تُرش على جسم الكلب مباشرة.
- بتقضي على البراغيث، القراد، وبعض الحشرات الأخرى.
- مميزات:
- علاج سريع لو الكلب مصاب بالفعل.
- اقتصادية وسهلة الاستخدام.
- العيوب:
- مش وقائي زي النقط أو الأقراص.
- ممكن تسبب حساسية لبعض الكلاب، فخليك حذر عند الاستخدام.
الخلاصة:
- لو عايز وقاية طويلة: استخدم برافيكتو. (لو انت محافظ على المكان من الحشرات ممكن يستمر لفتره ست شهور و اوقات اكثر بكثير)
- لو عايز حاجة شهرية: اختار سيمباريكا أو فرونتلاين. (لو المكان مفيهوش حشرات ممكن تستخدمه كل 3 شهور)
- لو محتاج علاج سريع ومؤقت: بودرة السيفين او السبراي هيكونو مفيدين خصوصا لكلاب الشوارع.
