فى مزرعة عرابي تقدر تستمتع بركوب الخيل (الحر)

– مفيش حد هيفضل يقولك متجريش

– هيبقي معاك حد لو لسه بتركب جديد

– المكان مفتوح و المساحه واسعه و كبيرة جدا

– هتركب خيل من اميز الخيول فى مصر – خيل هندى ملون (ابيضx بني) – يعني هتاخد احلى صور   (american paint horses)

– معندناش خيل اى كلام و خيل كويسه, كل خيولنا مستوى عالى جدا.

ركوب خيل فى مزرعة عرابي للخيول المميزة - oraby farm

ركوب خيل

برنامج اليوم

اليوم بيبدأ فى المزرعة من الساعة 7 صباحا و حتى الساعة 3 عصرا …. بتيجي معاك فطارك بتقعد فى وسط منيش و حوليك اشجار الكينوكربس, بنطلع الخيل من الاسطبل,بتتجمع حوليك من كل اتجاه , تقدر تتصور معاهم او تطبطب عليهم او تسرحهم او تأكلهم (جزر , سكر) كمان تقدر تركب فى اى وقت, و فى الركوب عندنا ميزة مش موجوده فى مكان تاني و هى الركوب الحر (تقدر تاخد الحصان و تطلع بره المنيش و تجرى في اى اتجاه زى ما انت عايز) , المساحه كبيرة جدا تقدر تنطلق بكل سهولة من غير ما حد يقولك واحده واحده او يحددلك اتجاه تمشي فيه, طبعا عشان تعمل الكلام ده لازم تكون بتعرف تركب كويس جدا, لكن لو مش بتعرف او ركوبك بسيط تقدر تركب داخل المنيش فى مساحه مش صغيرة و لكن محكومه و كمان لو مش بتعرف تركب خالص ممكن حد يمسك معاك الحصان و يمشيك. كمان هتلاقى شوايه جاهزة بالفحم بتاعها تقدر تجيب معاك اى حاجه سواء لحوم او فراخ و تشويها على الفحم

ركوب خيل في القاهرة - مزرعة عرابي للخيول المميزة
ركوب خيل في القاهرة - مزرعة عرابي للخيول المميزة
ركوب خيل في القاهرة - مزرعة عرابي للخيول المميزة

الخيل

الخيل فى مزرعة عرابي غير اى خيل موجوده فى اى مكان, عندنا خيل امريكي ( خيل الهنود الحمر ) لونه مختلف و جميل جدا , ابيض في بني , و كمان عندنا خيل من اندر الخيول فى مصر لونه ابيض فى اسود. معندناش الرهوان التانى لان ببساطه خيلنا مش بلدى و مش خسانه او طلعان عنيها او بتعانى من قلة التغذية, فا بالتالي متعه الركوب و التعامل و حتى الصور شكلها مختلفه تماما عن اى مكان تانى

ركوب خيل فى مزرعة عرابي للخيول المميزة - oraby farm - horses

طريقة الحجز

  • اقل عدد 3 افراد و اكثر عدد 10
  • المكان ملوش مواصلات , لازم يكون معاك عربية خاصه
  • يتم الحجز قبل الميعاد ب 4 ايام على الاقل عن طريق الاتصال بنا